КОМИ ПОЭТ
Жан Морӧслы (И. Т. Чисталёвлы).

Гижӧдыд тай тэнад
Сьӧлӧм нормӧдіс...
Сыркъялӧмӧн бӧрда,
Петӧ синваӧй...

Тэ ног, муса вокӧй,
Гажа чужан му!
Долыд гортын овны
Кор тэ дзоньвидза!

Чойяс-вокъяс дінын,
Мам-бать син водзын,
Коми котыр пӧвстын,
Другъяс чукӧрын.

Тэӧй, дона вокӧй,
Абу ловъя нин?!...
Мустӧм гундыр-висьӧм
Йирис сьӧлӧмтӧ...

Сісьмас еджыд яйыд — 
Сӧмын оз кув лов!
Кузя овны кутас
Коми котырын!