МИШАРИНЛӦН СЁРНИ

[...]

Тӧварышъяс, шуӧ водзӧ Мишарин ёрт, ті асьныд аддзанныд, мый миян овмӧс кыптӧ, эмбур чукӧрмӧ. Овмӧс кыптӧ оз сӧмын республикаын, миян Коми обласьтын сідзжӧ олӧм бурмӧ. Миян обласьтын абу кӧрт туй, абу деньга, сы вӧсна миян овмӧс кыптӧ ньӧжйӧнджык, но миян обласьтын эм уна буртор. Быд бокын эм миян капитал.

Ми чукӧртчим ӧні сэтшӧм кадӧ, кор миян овмӧс кыптӧ. Тайӧ съезд шуас зэв уна колантор, индас туй зэв уна во кежлӧ — 10, гашкӧ, 20 во кежлӧ. Уналаын ми воам нин довоеннӧй нормаӧдз, уналаын ми шаговтім нин довоеннӧй нормасӧ. Тайӧ съезд, рочӧн кӧ шуны, — исторический съезд. Нёль съезд нин вӧлі Коми обласьтын, сӧмын первой на съезд вылӧ воисны миян вокъяс — самоединъяс (аплодисменты). Ми съезд вылын шуам: кыдз кыпӧдны олӧм миянлысь; тшӧтш сёрнитам, кыдз бурмӧдны олӧмсӧ самоединъяслысь (горячие аплодисменты всего зала). Сар дырйи ми эг вермӧ и думыштны та йылысь, ӧні асьным лӧсьӧдам ассьыным олӧмӧс; сідзжӧ лӧсьӧдам олӧмсӧ самоединъяслысь.

Витӧд обласьтувса Сӧветъяслысь съезд шуа восьтӧмӧн. (Аплодисменты).

[...]