ӦТИ ТРАКТОР 22 ВӦВ ПЫДДИ УДЖАЛӦ

Сӧвет республикаяс пасьта оз тырмы крестьяналӧн 3 миллион вӧв, став мусӧ кӧ уджавны. Агрономъяс да инженеръяс лыддьӧмаӧсь, мый 3 миллион вӧвсӧ позяс вежны 150 сюрс тракторӧн. Ӧти трактор, шуӧны инженеръяс, 22 вӧв пыдди уджалӧ. Трактор «Фортсон» сулалӧ 1800 шайт. 22 вӧлыд оз на ещӧ 1800 шайт вылад и шед. Сідзнад кӧ, тракторыс вӧвсьыд донтӧмджык, сэсся тракторнас позьӧ уджавны быдсяма удж, позьӧ: гӧрны, пинёвтны, ытшкыны, вартны, позьӧ и груз кыскавны.