ПЕМЫДЛУН БЫРӦДӦМ

Таво РСФСР пасьта вӧлі велӧдӧма миллион лыддьысьны-гижны кужтӧм гырысь мортӧс. Гырысьӧс велӧдан школаяс (ликвидпункты) таво содісны 32 сюрссянь 36 сюрсӧдз. Сэсся таво колян кадын (октябр тӧлысьӧдз) ыстӧма сиктъясӧ гырысьяслы велӧдчыны 3 миллион 740 сюрс буквар, 100 сюрс азбука да 300 сюрс гӧгӧр мукӧд пӧлӧс велӧдчыны колан нигаяс.

Тайӧ воас, 1926 воын декабр тӧлысьӧдз, быд гырысьӧс велӧдан школаын кӧсйӧны велӧдны морт 50-ӧн кымын. Сідз кӧ кутас мунны, став гырысьӧс велӧдан школаяс пырыс таво вермам велӧдны миллион да 800 сюрс кымын.

Дерт, республикасьыс став велӧдчытӧмсӧ бырӧдӧмӧдз ылын на. РСФСР пасьта став велӧдчытӧмыс миллион 12 гӧгӧр (16 арӧссянь 35 арӧсӧдз). Тайӧ лыд сертиыс позьӧ аддзыны, мый пемыдлун бырӧдӧм кузя удж ёна на колӧ ёнмӧдны, чорзьӧдны. Пемыдлун бырӧдӧм мысти сиктысь сӧмын ми вермам кутчысьны выль олӧм лӧсьӧдӧмӧ.