«АСЪЯ КЫА» ГИЖӦ НИНӦМ ТӦДТӦГ

(«Коми сикт» 36 номерса «Бӧрйӧмаӧсь ӧтиӧс, ыстӧмаӧсь мӧдӧс» гижӧд вылӧ)

«Асъя кыа» ачыс, буракӧ, съезд вылас абу вӧлӧма, а гижӧ кутшӧмкӧ пӧчӧ кыв йылысь. Съезд вылын бӧрйылісны нёль делегатӧс уездувса съезд вылӧ, сӧмын нёльӧдыс вӧлі Бусов. Таскаев ёртыс кольлі кандидатӧ. Сэсся гижысьыс думнас мыжалӧ волисполкомӧс протоколас бӧрйӧм йӧзсӧ гижтӧмысь. Волисполком сэтысь, дерт, абу мыжа. Съезд вылас вӧлі бӧрйӧма нарошнӧ президиум.

Сэсся «Асъя кыа» гижӧ, Чабанова пыдди пӧ ыстӧмаӧсь съезд вылӧ Бусовӧс. Съезд вылас вӧлі уездувса исполкомысь представитель Ворсин ёрт. Сійӧ тӧдӧ, мый бӧрйылісны уездувса съезд вылӧ Поповӧс, Русьӧс, Чабановаӧс да Бусовӧс. Найӧ и мунісны съезд вылас.

Тӧдтӧг газетӧ гижны абу лӧсьыд.

Волисполкомын юралысь Осипов.