ТӦВАРИЩЕСТВО ОМӦЛЯ УДЖАЛӦ

Абъячой вӧлӧсьтын (Сыктыв у.) эм машиннӧй тӧварищество. Шленыс вӧлі сэні 26 морт. Видз-му уджалӧм машинаяс тӧвариществоыслы сетлісны прокатнӧй пунктысь, да кутшӧмсюрӧ машинаяс ньӧбліс ачыс тӧвариществоыс. Сӧмын крестьянаыс некутшӧм машинаӧн оз уджавны вартан машина вылын кындзи, да и сійӧн вартісны сӧмын 850 пуд. Омӧля удж тӧвариществоас нуӧдӧм понда петісны нин сэтысь квайт шлен. Выльысь пырысь шленъяслысь корӧны шленскӧй взноссӧ 36 шайт. Крестьянаыдлӧн, дерт, сы мында сьӧмыд абу да, некод оз вермыны сэтчӧ пырныс.

Колӧ уджсӧ тӧвариществолысь бурджыка сувтӧдны да кокньӧдны крестьяналы пырны сэтчӧ. Бура удж сувтӧдӧмӧн машиннӧй тӧварищество вермас вайны уна бур крестьяналы.

Кывзысьысь.