ЛЫДДЬЫСЯН КЕРКАЫН АБУ ГАЗЕТ

Выльгортса (Сыктыв у.) лыддьысян керкаын пыр кӧдзыд, ломтыв кӧть эн. Волывлӧны сэтчӧ сӧмын комсомолечьяс, партиечьяс да кодсюрӧ том йӧз. Пӧрысьджык йӧзӧс некор он аддзыв. Лыддьысян керкаын ӧти пызан, унджык йӧзыс кӧ локтасны, некытчӧ и пуксьыныс. Улӧсъяс зэв жӧ этша. Лыддьыны эм сӧмын «Югыд туй» да корсюрӧ журнал «Крестьянка». Мукӧд пӧлӧс газетъяс да журналъяс оз локны. Выльгорт вӧлӧсьтлӧн эськӧ эмӧсь зэв уна шефъяс (Обздрав, Госстрах, Обсобес), сӧмын найӧ омӧля уджалӧны.

Шефъяслы колӧ кӧть отсыштны лыддьысян керкалы судзӧдны газетъяс да журналъяс.

Г. Завраженскӧй.