ПОШТА КУД

Ыджыдвидз. Тӧждысьысьлы. Гижӧдъясыд газетын оз мунны. Шыась тайӧ могъяснад Кулӧмдінса Войтырӧс велӧдан юкӧдӧ.

Айкатыла. Лукинлы. Дерт, зэв бур гӧль мортлы отсалӧмыд, сӧмын газет пыр ми огӧ на вермӧй та йылысь ставсӧ гижны, коланджыктор вылас на местаыс абу да. Висьтав налы пасибӧтӧ ачыд.

Ыджыдвидз. Сюсь мортлы. Вӧвлӧмторсӧ колӧ гижны спутю ставсӧ. Сійӧ гижӧдсьыс нин ми лӧсьӧдалам «Ми кылам»-ас да «Ми шуам»-ас. Веськыда сэтчӧ гижӧмъястӧ огӧ печатайтӧй.

Ношуль. Аддзылысьлы. Колӧ гижны ӧти лист бокас дай мичаджыка, тэрмасьтӧг, мед лыддьыны позьӧ мӧд мортлы.

Айкатыла. Семуковлы. Сьӧмтӧ видзӧмысь судӧ сетӧй, газетын оз мун.

Грива. Педи Пашлы. Велӧдчӧм йывсьыд оз мун, выльторйыс нинӧм абу. Та йылысь унаысь нин вӧлі газетад.

Нёбдін. Шыпачлы. Оз кӧ уджав, сьӧмсӧ позьӧ судӧн перйыны. Сэтшӧм ичӧтиктор йывсьыд газетын оз мун. Газеттӧ ыстӧ редакция гонорар пыддиыд.

Ыб. Аддзылысьлы. Тӧдчытӧмтор йылысь гижан, газетын оз мун.

Маджа. Кывзысьлы. Мельник йывсьыд оз мун. Ӧні лӧсьӧдӧмаӧсь нин да, мый сійӧс гижан.

Ыджыдвидз. Зазулялы. Суд налы индас местасӧ.

Кӧрткерӧс. Перӧлы. Приказчик вузасьӧм йывсьыд колӧ висьтавны кооперативса правленньӧыдлы. Комсомол ячейка йывсьыд оз жӧ мун. Бюроад ӧд комсомолечьясыс жӧ бӧрйӧны, а некод оз пукты. Бура кӧ шленыс уджалӧ, дерт, сійӧс бӧръясны.

Позты. Баярсалы. Библиотека йывсьыд оз мун. Ачыд жӧ гижан, конференция вылӧ пӧ нигасӧ сеталысьыс мунӧма. Сійӧ сэні дыр оз ов.

Ужъя. Поповлы. Уджалӧм йывсьыд гӧгӧрвотӧма гижан. Мыйла нӧ оз вермыны кутчысьныс?

Чуклӧм. Аддзысьлы. Лесник йывсьыд оз мун. Сійӧ удж йылысь нинӧм абу гижӧмыд.

Пожӧг. Важ дяклы. Вочакывйыд оз мун. Дзик тэ прӧста повзьӧдлан гижысьтӧ. Повзьӧдлӧм дорсьыд, мыжа кӧ сійӧ, судӧ сет.

Нёбдін. Обиженнӧйлы. Партияад пырӧм йылысь гӧгӧрвотӧма гижӧмыд. Абу гижӧмыд, мыйла Барабановыс сійӧ кывъяссӧ шуӧма.

Нёбдін. Пекничалы. Гусясьӧм йывсьыд оз мун.

Кӧрткерӧс. Том мортлы. Пельшӧр йывсьыд оз мун.