ЛӦСЬӦДӦЙ УДОРАӦ ТУЙ

Шожым-Буткан туй кузя быд во Шожымса да Айкатыласа крестьяна кыскалӧны тӧваръяс. Колян тӧв кыскӧма вӧлі 41 сюрс пуд тӧвар, таво нин туй кузяыс нуӧма 10 сюрс пуд. Туйыс сэн зэв лёк. Быд во тайӧ туй вылад кодлӧнкӧ да вӧлыд коксӧ чегас. Колян тӧв Шожымса дӧва бабалӧн, Микол Паш гӧтырлӧн, вӧлыс пос вуджигӧн коксӧ чегӧма, лои вӧвтӧ начкыны. Таво тӧв Тыдорса крестьянинлӧн Балин Сандриклӧн, медгӧль крестьяниныслӧн, обсоюзлы груз кыскигӧн Йӧртым пос вылын вӧлыслӧн кокыс бара чегӧма, лои вӧвтӧ начкыны жӧ.

Колӧ туйсӧ лӧсьӧдны да крестьяналы отсавны вошӧм вӧв пыдди выльӧс босьтны.

Сыс пи Вань.