СЬӦМ ЧӦЖӦМ ЙЫЛЫСЬ КАССАЫН
НЕКОДЛЫ ОЗ ВИСЬТАВНЫ

Кывлін, кума: Семӧ Габӧ
Верӧс сайӧ нывсӧ кӧсйӧ сетны;
Ачыс лябсьӧ: сьӧм пӧ абу. — 
Дзик пӧ приданнӧйтӧг лоӧ петны.
Прӧста шуӧ, ме ӧд тӧда:
Сьӧмсӧ нижка вылӧ чӧжны пуктӧ.
Вай жӧ кассаӧ ми ветлам,
Сэні висьталасны ставсӧ тшукӧн.
— Нолтӧ висьтав, мыйта сьӧмыс
Семӧ Габӧ нижка вылын тані?
— Кывзы, тьӧтка, висьтасьӧмысь
Миянлы мый лоӧ — аддзан тані:
Уголовнӧй закон кузя,
Тюрмаӧ дыр кежлӧ пуксьӧдасны.
Сьӧмыд тані видзсьӧ гусьӧн — 
Мыйта кодлӧн сьӧмыс — тӧдӧ ачыс.