ПЕМЫД ГӦЛИНИК НЫВБАБА ГАЗЕТ СУДЗӦДӦ

Гриваын (Сыктыв у.) олӧ гӧлиник дӧва Кирӧ Педӧр Анна. Ыджыд пиыс сылӧн Гӧрд армияын. Гортас кольӧмаӧсь сӧмын посньыдик челядь.

Сійӧ дӧваыд ещӧ на торйӧдіс аслас гӧлиник олӧмсьыд сьӧм да судзӧдӧ «Крестьянскӧй газета». Кор сылысь юалӧны: «Мыйла нӧ тэ судзӧдан газетсӧ, он куж лыддьысьныд да?» — Сійӧ воча шуӧ: «Мед менам челядь лыддьысьыштасны. Сэк найӧ кутасны тӧдны, мый му вылас вӧчсьӧ».

Коми йӧз! Вӧтчӧй гӧлиник дӧва бӧрся. Сійӧ гӧгӧрвоӧма нин газетлысь бурлунсӧ. Праздникъясӧ самӧкур вылӧ сьӧм видзӧм дорысь бурджык газетъяс судзӧдны. Газетъяс сетасны уна буртор.

Жан пи.