ОДЫБ ВӦЛӦСЬТЫН

(Кулӧмдін у.)

Волисполкомын

уджыс мунӧ омӧля. Секретарыс да шленыс ёнакодь юӧны. Вӧлӧсьтувса съезд вылын эськӧ сетлісны налы выговор, да нинӧм эз отсав. Отчётъяс удж йылысь школаясысь, пельшӧрлысь, кооперативлысь да мӧда-мӧдлы отсасян комитетлысь эз на кывзыв, куим тӧлысьнад эськӧ позис жӧ нин да.

Крестьяналы общӧй собранньӧяс эз на жӧ вӧчлы.

Комсомол ячейка

некутшӧм удж ӧнӧдз эз нуӧдлы. Ӧні неуна ячейкаыс кутіс садьмӧдчыны. Собранньӧяс овлывлӧны тшӧкыдакодь, вӧчалӧны докладъяс. Крестьяна комсомол ячейка собранньӧяс вылӧ волывлӧны кывзыны докладъяс, юасьны мыйсюрӧ. Комсомол ячейка организуйтіс Всеработземлес ячейка. Быд учрежденньӧясӧ комсомол ячейкасянь бӧрйӧма представительӧс. Сӧмын ӧні скарлатинаӧн висьӧны да, комсомол ячейка оз вермы чукӧртавны крестьянаӧс. Ӧні комсомол ячейка заводитчис велӧдчыны, сӧмын роч нигаяссьыд омӧльджыка гӧгӧрвоӧны. Шленъяс ячейкаын пыр содӧны.

В. Тюрнин.