ГӦЛЬ КРЕСТЬЯНА КОРСЬӦНЫ ТУЙ

Таво Чукаыбын (Сыктыв у.) выль пӧв юклісны видз-му, кӧсйисны чинтавны межаяс да ӧткодявны мӧда-мӧдыслы видз-мусӧ сортъяснас. Сӧмын юклысьӧм бӧрын дзик мӧд ног лои. Межаяс чинӧм пыдди содісны. Матігӧгӧр видз-му босьталӧмаӧсь тӧргӧн. Бур видз-му сеталӧмаӧсь налы, кодъяс кӧсйысьӧмаӧсь бурмӧдны, вылӧджык лэптыны.

Кодъяс нӧ вермасны бурмӧдны видз-мусӧ? Тӧдӧмысь, гӧлиник крестьянаыд озджык вермыны бурмӧдны видз-мутӧ. Вермасны лэптыны сӧмын кодлӧн уна турун, нянь, кодъяс тырӧмаӧсь нин вӧлі видз-мунаныс. Гӧлиник крестьяна бара на колины омӧлик торпыриг видз-муясӧн. Пемыд гӧль крестьяна шызьӧмаӧсь, корсьӧны туй.

Тӧждысьысь.

Редакциясянь: Гӧль крестьяналы туйсӧ индӧны кооперативъяс, мӧда-мӧдлы отсасян комитетъяс, тӧвариществояс. Гӧль крестьяна вермасны аддзыны туйсӧ ӧтувтчӧмӧн.