АЧЫС ЕЩӦ ИСПОЛКОМ!

Ыбса (Сыктыв у.) волисполком зэв ыръянитчысь. Кытчӧ колӧ, он зэв кыскы.

Гырысь йӧзӧс велӧдан школаяс восьтігӧн вӧліны торжественнӧй заседанньӧяс. Велӧдысьясыс эськӧ вӧлі коравлӧмаӧсь волисполкомъясысь представительясӧс, да найӧ некытчӧ абу ветлӧмаӧсь, быттьӧ налы сэтчӧдз некутшӧм мог абу. Дерт, сэтшӧма гырысь йӧзтӧ велӧдӧм вӧсна тӧждысигад уджыд водзӧ оз мун.

Делегаткаяс собранньӧ вылӧ волисполкомсянь вӧлі кӧсйылӧмаӧсь доклад вӧчны. Собранньӧ вылад эськӧ делегаткаясыд (чукӧртчӧмаӧсь вӧлі уна сиктысь, делегатка 30 кымын) зэв дыр виччысисны, да волисполкомсьыд некод эз волы.

Сэсся коркӧ ветлӧдліс санитарнӧй комиссия, видлаліс лавкаяс да школаяс. Волисполкомсяньыд представительыд эськӧ, дерт нин, вӧлі колӧ, да эз тай нырсӧ мыччывны.

Асъя кыа.