***

Ыб вӧлӧсьтын (Сыктыв у.) Профсоюзлӧн вӧлі лӧсьӧдӧма нуӧдны воспитательнӧй удж. Удж нуӧдысяс пуктылісны РКП ячейкаысь секретарсӧ Смирновӧс. Заводитӧмсяньыс воспитательнӧй уджыс мунліс сӧмын кыкысь кымын на. Смирновыд некор оз волывлы шуӧм лунас. Кутшӧмкӧ рыт виччысим-виччысим, да сідзи и лои мунны. Бӧрыннас кывсис, Смирновыд кайлӧма пӧчинокӧ 15 верст сайӧ видзӧдлыны ассьыс ыжъяссӧ (сійӧ пӧчинокас гусьӧн видзӧ ыжъяссӧ) да сэтысь ӧктыны вый да кольк. Сідзтӧ эськӧ оз жӧ ков уджавны удж нуӧдысьыдлы.

Звӧнар Макар.