КЕР ЛЭДЗАНІНЪЯСЫН ГАЗЕТ ЛОӦ

«Югыд Туйын», 246-ӧд №-ын кер лэдзысьяс норасьӧны: ёна пӧ пемыда олам кер лэдзан керкаясын, нинӧм пӧ лыддьыны абу. Тайӧ, дерт, збыль. Кер лэдзанінъясӧ колӧ сетны газетъяс, нигаяс, журналъяс.

Ноябр тӧлысьын Всеработземлес ыстіс быд уездӧ 40 библиотека роч кыв вылын. Быд библиотекаын 88 нига. Быд вӧлӧсьтӧ тайӧ библиотекаясыд, дерт, оз на тырмыны да, кӧні мунӧ кер лэдзан уджыс — сэтчӧ тырмас. Всеработземлес библиотекаяссӧ ысталігӧн шуис найӧс вӧлӧсьтын не видзны, ыстыны пырысьтӧм-пыр кер лэдзанінъясӧ. Тӧвбыдӧн тайӧ библиотекаясыслы колӧ веськавлыны быд керкаӧ. Ӧні Северолескӧд договор заключитӧм помасис. Союз вермас кер лэдзысьяс пӧвстын югдӧдчан уджсӧ паськӧдны. Быд уездлы ыстӧма сьӧм выль нигаяс, газетъяс судзӧдӧм вылӧ.

Темноев.