КӦЙДЫС ЗАПАС ЛӦСЬӦДӦМ ЙЫЛЫСЬ ИНДӦДЪЯС ЫСТАЛӦМА

«Югыд Туй» газетын 241-ӧд №-ын вӧлі «Кӧйдыс запас оз лӧсьӧдны» юӧрын гижӧма: некутшӧм индӧдъяс пӧ волисполкомъясын кӧйдыс запас лӧсьӧдӧм йылысь абу.

Та вылӧ ми висьталам — кыдзи колӧ лӧсьӧдны кӧйдыс запас вӧлӧсьтъясын медводдза индӧдсӧ вӧлі ысталӧма волисполкомъясӧ 1923 воын на февральын 13-ӧд лунӧ, 138 № гижӧдӧн.

Сэсся таво юньын 2-ӧд лунӧ ысталӧма уездувса видз-му управленньӧясӧ быд волисполкомӧ разӧдӧм вылӧ ВЦИК да Совнаркомлысь декретсӧ да видз-му народнӧй комиссариатлысь индӧдсӧ кӧйдыс запасъяс йылысь (о местных семенных запасах). Тайӧ декретас да индӧдас зэв лӧсьыда висьталӧма, кыдзи колӧ лӧсьӧдны кӧйдыс запас (обществоса магазеяяс). Тайӧ индӧдъяс кындзиыс пыр на ыстыссьӧны мукӧд индӧдъяс.

Сӧмын тай, вӧлӧмкӧ, ӧнӧдз на волисполкомъясыс абу висьтавлӧмаӧсь крестьяналы, кыдзи колӧ вӧчны кӧйдыс запассӧ декрет серти.

Оз ков С.-В.-лы водзвыв лючки тӧдмавтӧг мыйсюрӧ висьтавлыны. Бурджык вӧлі, тшӧкыдджыка кӧ волисполкомса уджнас тӧдмасис.

Обласьтувса видз-му управ.