МЫЙЛА НӦ СІДЗ?

1922 воын ми, Шожым сиктса крестьяна, 25 морт, лӧсьӧдім мелиоративнӧй тӧварищество да ӧтувйӧн мӧдім уджавны. Ректім вӧрысь 7 десятина, унджык мырсӧ нин бергӧдлім, кӧсъям вӧлі вӧчны му да агроном шуӧм серти кӧдзны турунъяс да мукӧдтор. Кӧсъям вӧлі ассьыным овмӧс кыпӧдны, ставным гӧльӧсь да. Ректысим 1923 воӧдз.

Кӧсъям нин вӧлі гӧрны-кӧдзны, да Пожӧгодскӧй лесничество гӧрны-кӧдзны миянӧс эз лэдз: татчӧ пӧ тыдорса крестьяна кӧсйӧны переселитчыны — шуӧ.

Мыйла нӧ йӧз ректӧминӧ вермасны пуксьыны мукӧд йӧз, код сійӧ местасӧ эз ректы, вынсӧ сэтчӧ эз пукты.

Мыйла миян весьшӧрӧ вошӧ труд?

Висьталӧй кодлы татчӧ мог.

Гӧль уджалысь.