ТАДЗТӦ ОЗ КЫПТЫ КООПЕРАТИВЫД

Чукаыбын (Сыктыв у.) колян во декабр тӧлысьын воссьыліс потребительскӧй общество. Сэксянь лавкаас вежсьыліс нёль приказчик нин, да некод эз судзсьы. Таво октябр тӧлысьын вежисны правленньӧсӧ да ревизионнӧй комиссиясӧ, а приказчиксӧ важсӧ кольӧмаӧсь, абу жӧ эськӧ судзсьӧма 101 шайт да. Лотайтӧм 101 шайтсӧ пӧ ми сылысь жалӧванньӧсьыд бергӧдам — шуӧны. Ме ногысь кӧ, приказчиктӧ колі судӧ сетны да перйыны сьӧмсӧ. Сійӧ 101 шайтсӧ бергӧдӧм пыдди ӧні мӧд сымда видзас вомыс чӧскавмӧм бӧрын.

Шленыс обществоас вӧлі нелямын морт да ӧні сымда на. Мукӧдыс ӧні весиг шуасьӧны бӧр шленсьыс петны.

Тадзтӧ уджалігӧн, дерт, оз кыпты миян кооперативным.

Тӧждысьысь