КОЛӦ ВИДЗ-МУ ЛӦСЬӦДНЫ

Абъячой вӧлӧсьтын (Сыктыв у.) унаысь нин сёрнитлісны му-видз лӧсьӧдӧм йылысь, сӧмын сёрнитӧм кежсьыс на пыр кольлі. Кодъяслӧн унджык му-виддзыс, найӧ паныд мунӧны, падмӧдӧны мукӧд крестьянасӧ. Сэтысь пӧ бурыс нинӧм абу, налогыд пӧ ӧні нин ыджыд, а сэк пӧ ещӧ на содас — шуӧны. Гӧль крестьянаыд эськӧ кӧсйӧны му-видзтӧ лӧсьӧдны, да татшӧм сёрнияснад полӧны.

Крестьяналы оз ков кывзыны татшӧм йӧзлысь. Сӧвет власьт пыр тӧждысьӧ гӧль крестьяна вӧсна, зільӧ кыпӧдны налысь овмӧс. Таво налогтӧ колян во серти ёна нин чинтіс. Мӧд во ещӧ на ёна кӧсйӧ чинтыны гӧль крестьяналысь налог. Му-видз лӧсьӧдӧмын уна эм буртор. Муясыд лоӧны чукӧрынджык, межаяс этшаджык, муяс юкласны едокъяс серти. Быдӧнлы сэки позьӧ заводитны уна переменаӧн му уджавны.

Гӧль крестьяналы чорыдджыка колӧ кутчысьны видз-му лӧсьӧдӧмӧ.

Уч—къяс Ш. К. М.