КОММУНИСТ ПАРТИЯЛӦН XІV СЪЕЗД
Талун Мӧскуаын воссис коммунист партиялӧн Ставсоюзса XІV съезд
Коммунист партия кыптіс, ёнмис кось пытшкын, рабочӧйӧс да крестьянинӧс дорйигтырйи. Подполльӧсянь ӧнӧдз коммунист партия дорис ассьыс радсӧ.
Унаысь сылы лои вензьыны тӧлк нуӧм понда. Ещӧ огӧ на вермӧ вунӧдны бӧръя вензьӧм йылысь, кор ӧткымыныс пузьӧмӧн кӧсйӧны вӧлі вежны Ленинлысь велӧдӧм ногсӧ.
Кольӧм съездсянь коммунист партия Ленинлысь велӧдӧмсӧ ёна зіля велӧдіс, та бӧрти абу нин радӧвӧй шлен пытшкын асныра ёртъяс, оз нин сетчыны нуны асьсӧ бокӧ Ленин туй вылысь.
Коммунист партиялӧн уджыс съездъяс вылын вужсяньыс петкӧдлӧ олӧмсӧ, косьсӧ рабочӧйлысь да крестьянинлысь быдпӧлӧс олӧм дырйи. Та понда коммунист партиялӧн съездъясыс зэв гырысь тӧдчанаторъяс партиялы, рабочӧйяслы да крестьяналы. Та понда жӧ колӧ быдӧнлы тӧдны съездъяслысь уджсӧ.
Таво Ставсоюзса коммунист партиялӧн съездыс воссис вӧвлытӧм бур олӧм костын. Миян кӧзяйстволӧн бӧръя кыптӧмыс паськыда восьтӧ туй социализмсӧ вӧчны оз сӧмын гырысь промышленносьтын, но и крестьяна пӧвстын. Ӧнісянь заводитчӧ выль юкӧд миян стрӧительствоын. Посни уджысь кутім петны гырысь уджӧ, посни политикаысь гырысь политикаӧ. Сы понда и коммунист партиялӧн уджыс гырсялӧ да паськалӧ.
Коммунист партия аслас быдлунъя уджнас петкӧдлӧ делӧ вылын социализм вӧчӧмсӧ. Ӧні миян водзын сулалӧ ыджыд удж. Колӧ выль ног, выль планӧн сувтӧдны (
Оз, дерт, позь вунӧдны и югдӧдчан удж. Колӧ югдӧдчыны партиялы, зільны велӧдны Ленинлысь велӧдӧмторъяс. Сійӧ миянӧс видзӧ прӧступитчӧмысь, бокӧ туй вылысь кежӧмысь. Оз ков вунӧдны и важ лозунгъяссӧ крестьяналысь пемыдлунсӧ бырӧдӧм йылысь. Социализмыс оз во промышленносьттӧг, деревняӧс электрифицируйттӧг. Но деревняӧ оз во электричество, оз кыпты промышленносьт, кытчӧдз огӧ асьнымӧс югдӧдӧ.
Сиам ми коммунист партия съездлы бур удж Ленин велӧдӧм серти!
Ми XІV съездлы сьӧлӧм пытшсянь мӧдӧдам коммунист чолӧм!
