ПРАВЛЕННЬӦ ДА РЕВИЗИОННӦЙ КОМИССИЯ УЗЬӦНЫ

Читаёв вӧлӧсьтын (Сыктыв у.) эм охотникъяслӧн союз. Январ тӧлысьын союзыс восьтыліс лавка, приказчикас вӧлі бӧрйӧмаӧсь Кустошев Н. Д. Войдӧр сійӧ служитліс Читаёвса загконтораын. Конторасӧ сдайтігӧн Кустошев абу вӧлі судзсьӧма да, сэтысь сійӧс вӧлі судӧ сетӧмаӧсь. Охотникъяс Союз лавкаын вузасигӧн Кустошев бара абу судзсьӧма 72 шайт. Ревизионнӧй комиссияыд век на сійӧс сьӧм лотайтӧмысь абу судӧ сетӧма. Ӧні лавкаыс матӧ воӧма: вексельяс серти перйӧны 441 шайт да 84 ур, а сьӧмыс мынтыныс ньӧти абу. Шуӧны, лоӧ пӧ сійӧ уджйӧзсӧ мынтыны шленъяслы. Шленъясыс зэв ёна шуасьӧны правленньӧ вылас да ревизионнӧй комиссия вылас: нинӧм пӧ дзик оз уджавны.

Ас морт.