ПОТРЕБИТЕЛЬСКӦЙ ОБЩЕСТВО УДЖАЛӦМА БУРА

Мордінын (Кулӧмдін у.) потребительскӧй обществоса правленньӧ бӧрйысян собранньӧ вылын вӧлі доклад потребительскӧй обществоса вося удж йылысь.

Став шленыс потребительскӧй обществоын 178 морт. Унджык тӧварсӧ ваявлӧмаӧсь обсоюзысь. Вогӧгӧрся барышыс воӧма 1247 шайт да 68 ур.

Доклад кывзӧм бӧрын да доклад кузя сёрнитӧм бӧрын собранньӧ шуис уджсӧ правленньӧлысь бурӧн. Барышсӧ шленъяс шуисны юкны со кыдзи: основнӧй капиталӧ 500 шайт, паевӧй взносъяс вылӧ 90 шайт, йӧзӧс югдӧдан удж вылӧ 137 шайт да 68 ур, громкоговоритель вылӧ 100 шайт да мукӧдлаӧ. Правленньӧас бӧрйисны кык выль мортӧс — юралысьсӧ да тшӧтӧводсӧ. Кольӧны эськӧ вӧлі ставнысӧ важъяссӧ да, важ тшӧтӧводсӧ бӧрйӧмаӧсь юралысьӧ исполкомӧ, а важ юралысьыс мырдӧн петіс. Приказчикыс коли важыс.

Нес—ов.