ЛЫДДЬЫСЯН КЕРКА УДЖАЛӦ БУРА

Кӧрткерӧсын (Кулӧмдін уездын) лыддьысян керка чорыда босьтчис уджавны. Быд рыт сэні уна йӧз овлӧ, унджыкыс зільӧны лыддьысьны. Дерт, эмӧсь на и сэтшӧмъяс, кодъяс волӧны сӧмын дурны. Татшӧм йӧзтӧ оз ков эськӧ дзикӧдз сибӧдны.

Лыддьысян керкаын уджыс мунӧ календарнӧй план серти. Быд рыт кутшӧмкӧ да кутшӧмкӧ удж мунӧ. Лӧсьӧдӧма уна кружок: политическӧй, дипломатическӧй (сэні висьтавлӧны, кыдзи олӧны мукӧд государствоясын йӧзыс), ентӧдтӧм кружок, мукӧд.

Эм крестьяналы справкаяс сеталанін. Сэсся неважӧн лӧсьӧдісны юридическӧй кружок. Сійӧ кружокыс кутас сетавны быдсяма пӧлӧс справкаяс, тшӧтш гижавны крестьяналы заявленньӧяс, норасьӧмъяс.

Вӧлӧсьтувса йӧзӧс югдӧдан уджыс ставыс мунӧ лыддьысян керкаын. Быд рыт нуӧдӧны сёрни агроном, народнӧй суддя, пельшӧр. Быд вежонын овлывлӧны спектакльяс.

П.