ПОЗТЫЫН

(Кулӧмдін уездын)

Нывбаба кост удж оз мун.

Нывбаба кост удж дзикӧдз кусі. Тӧлысь куим кымын оліс женорганизатор, да некутшӧм удж эз нуӧд. Весиг октябрса революциялы 8-ӧд во тыран лунӧ нывбабаясӧс эз чукӧртлы.

Пионеръяслӧн удж.

Неважӧн вӧлі пионеръяслӧн рыт. Пионеръяс лӧсьӧдчисны рыт кежлӧ кык вежон чӧж. Рыт вылын войдӧр висьтавлісны пионеръяс бать-мамлы: мый сійӧ пионеръясыс, мыйла найӧс ӧтувтӧны, кыдзи мукӧд государствоясын олӧны да ӧтувтчӧны пионеръяс. Бӧрыннас висьталісны асланым пионер чукӧр удж йылысь.

Ӧні пионер чукӧрын 50 морт, ставыс гӧль крестьяналӧн челядь. Быд вежонын пионер чукӧрын сёрнитӧны вӧчӧм удж йывсьыс да кыдзи уджавны водзӧ.

«Бырӧдам пемыдлун» обществолӧн ячейкаыс узьӧ.

Ячейкасӧ лӧсьӧдлісны во сайын нин. Во чӧжӧн вӧчлісны сӧмын кык собранньӧ. Ячейкаын 22 шлен; мукӧд шленыс весиг оз тӧдны, кутшӧм сійӧ обществоыс, бумага вылын сӧмын шленас. Крестьяна оз тӧдны, мыйла сэтчӧ колӧ пырнысӧ.

Коді таысь мыжа?

Тулыснас нин кооператив праздник дырйи кооперативса правленньӧыс кӧсйысьліс сетны 10 аршын ситеч батьтӧм-мамтӧм пионеркалы, да ӧнӧдз на ситечыс лавка джаджъяс куйлӧ.

Коркӧ нӧ правленньӧыс сетлас оз кӧсйысьлӧмторсӧ?

Выль гижысь.