СТАВСИБЫРСА СӦВЕТЪЯСЛӦН ПЕРВОЙЯ СЪЕЗД

Новониколаевск. Съезд вылын Лашевич ёрт аслас доклад йылысь бӧръя кывъяс шуис: делегатъяс шуӧны, Сибырса Ревкомлӧн пӧ деревняяскӧд йитӧд эз вӧв. Сійӧ сідзи и вӧлі, сьӧмтӧг Ревком эз вермы деревняясӧ тшӧкыда мӧдӧдлыны ассьыс шленъяссӧ. Водзӧ кежлӧ колӧ тайӧ уджсӧ лӧсьӧдны. Лашевич доклад кузя съезд шуис: Ревком пӧ уджсӧ нуӧдӧма бура. Сэсся съезд вылын вӧчис доклад Мезенцев ёрт видз-му уджалӧм йылысь. Сійӧ шуис: Сибырын пӧ ӧні уджалӧ 650 землемер. Босьтчыны кӧ бура уджавны, ковмас 2390 землемер. Ӧні миян крестьяна сӧмын нянь йылысь тӧждысьӧны. Колӧ лӧсьӧдны, мед эськӧ крестьяна унджык скӧт видзисны да сійӧн кыпӧдісны ассьыныс овмӧссӧ.