ВЕСЬШӦРӦ НЯНЬ ВОШТІСНЫ

Сернӧс вӧлӧсьтын (Сыктыв уездын) 1924ʼ воын крестьяна тылаяс вылӧ кӧдзлісны сю. Сӧмын таво эз лысьтны вундынысӧ, сідзи и вундытӧгыс тыри лым улӧ. Кутісны повзьӧдлыны: вузалам пӧ сютӧ, сюрӧ кӧ — сы вӧсна и вундынысӧ эз лысьтны. Тайӧ кӧдзӧмсӧ эськӧ колі жӧ лэдзны вундынысӧ да. Сӧмын водзӧ кежлӧ колі повзьӧдны, медым эз кутны вӧчавны тылаяс. Весьшӧрӧ оз ков дӧзмӧдны крестьянаӧс.

Ачым.

Редакциясянь: тайӧ, тыдалӧ, вӧчисны, медым водзӧ кежлӧ крестьяна эз кутны тылаяс керавны, дерт, тылаястӧ вӧчны оз ков лэдзны, прӧста вӧр жугӧдны. Сӧмын мыйла нӧ кӧдзӧм няньсӧ нин лым улас колі тыртны?! Весьшӧрӧ нянь воштыны?! Коді сідзисӧ тшӧктіс вӧчны? Колі ӧд кӧдзӧм няньсӧ медалӧмӧн вундӧдны да босьтӧм няньсӧ вузавны либӧ сетны мӧда-мӧдлы отсасян комитетӧ. Сё пӧв эськӧ бурджык вӧлі лым улад тыртӧм дорысь.