НИГАЯС САМӦКУРАЛӦМА

Ыб вӧлӧсьтса (Сыктыв уезд.) всерабземлесысь уполномоченнӧй Северскӧй Н. Н. кайлӧма могъясӧн Визинӧ. Визинсяньыс сы сьӧрысь уездувса профессиональнӧй бюро уджалысьяслы лыддьыны ыстылӧма зэв уна нигаяс. Локтігас Северскӧйыд усьтӧдзыс юӧма самӧкур да кытчӧкӧ став нигаяссӧ вошталӧма. Рытъяснад эськӧ уджалысьясыд зэв корӧны лыддьыштны газетъястӧ, нигаястӧ, да нинӧм абу. Со кыдзи миян юралысь югдӧдӧ уджалысьястӧ.

Колӧ юавны Северскӧйыслысь, эз-ӧ самӧкур вылас ю нигаяссӧ да тшӧктыны сійӧс ньӧбны воштӧм нигаяс пыддиыс выльясӧс.

Кабан.