СТАВСИБЫРСА СӦВЕТЪЯСЛӦН ПЕРВОЯ СЪЕЗД

Новониколаевск. Ноябр 2 лунӧ Новониколаевскын воссис Сибырса Сӧветъяслӧн первоя съезд. Съездса президиумас бӧрйӧмаӧсь 35 морт, на пиын эм самоедъяс, крестьянкаяс, 2 профессор, сиктъясын велӧдысьяс. Ставсоюзса Центральнӧй Исполнительнӧй Комитетса секретар Енукидзе ёрт съезд вылын лыддис ЦИК-лысь шуӧмсӧ сибыракъяслы льготаяс сетӧм йылысь. Сійӧ шуис: Союзса Совнарком пӧ шуис 500 сюрс пуд кӧйдыс ссуда вештытӧг кольны, сэсся оз кӧсйы чукӧртны кустаръяслысь важ мынтытӧм вотъяссӧ 300 сюрс шайт, сетӧ Сибырса исполкомлы 300 сюрс шайт гӧль крестьяналы отсӧг вылӧ, да ставрочмувывса Центральнӧй Комитет шуис тюрмаын пукалысьяслы сетны прӧща.