СО ӦД ПЕМЫДЛУНЫД КЫТЧӦДЗ ВОШТАС

Придаш сиктын (Проньдор в., Емдін у.) кага вайигӧн кулі ӧти баба, Петрӧ Ваньӧ Гришӧ гӧтырӧн шуӧны. Вайтӧдзыс сійӧ пыр норасьлӧма: татшӧм сьӧкыд пӧ войдӧр некор эз вӧвлы мукӧддырйи. Кага ваян кадыд воас да, сійӧс петкӧдӧмаӧсь овтӧм керкаӧ. Сэні сійӧ мучитчӧма кык сутки чӧж. Йӧзлы некодлы оз висьтавны, мед пӧ оз вомдзась. Кор бабаыс садьтӧгыс уси, вӧлисти вайисны «тӧдысь» бабаӧс. Бабкаыд эськӧ сизим верст сайын и вӧлі, дай сійӧ на эз вайны. «Тӧдысь» бабаыд юкталас ӧдзӧс вуг мыськӧм ваӧн да кынӧмсӧ личкалас быд ногыс. Сы бӧрын регыд нин бабаыд кулі. Сылӧн коли сизим посньыдик челядь.

Со ӧд пемыдлуныд кытчӧдз воштас! Кодлы колӧ, видзӧдлы татшӧм тӧдысь вылӧ!

Избач.