ТУРУН КӦЙДЫС КОЛӦ РАЗӦДНЫ СИКТЪЯСӦ

Пыр висьталӧны да гижӧны — колӧ пӧ крестьяналы уна переменаӧн му уджавны заводитны, кӧдзны пӧ колӧ турун да сідз водзӧ. Крестьянаыд эськӧ сідз жӧ мӧвпалӧны. Ме босьта ассьыным Ношуль вӧлӧсьт. Миян муяс омӧльӧсь. Куйӧдыд мутӧ бурмӧдныд оз тырмы, дай туруныд скӧтлы оз жӧ тырмы. Турун кӧдзӧмӧн кыкнаныс лоӧ бур. Сӧмын некытысь крестьянаыслы босьтны турун кӧйдыссӧ. Бокысь коравны крестьяниныд абу на велалӧма дай оз на тӧд, а кооперативыд лавкаад кӧйдыстӧ некутшӧмӧс оз ваяв.

Колӧ эськӧ Обласьтувса видз-му юкӧдлы ёнджыка тӧждысьны сиктъяс вӧсна да кыдзкӧ разӧдны турун кӧйдысъяссӧ.

Вахнин.