КӦЙДЫС ЗАПАС ОЗ ЛӦСЬӦДНЫ

Мӧд во кежлӧ некутшӧм тӧргӧвӧй организация мукӧд губерняысь кӧйдыс оз кӧсйыны вайны. Сійӧс быдӧн нин тӧдӧны. Айкина вӧлӧсьтын волсъезд вылын шулісны (сентябр тӧлысьын нин) лӧсьӧдны вӧлӧсьтувса кӧйдыс запас. Волсъезд бӧрын кадыс уна нин коли, кӧйдыс чукӧртӧм уджыс ньӧти на эз мун. Кооперативъясын лишнӧй сьӧмыс абу да, кӧйдыстӧ оз вермыны чукӧртны. Мукӧд крестьянаыслӧн ӧні нин ӧти тусь абу ид кӧйдысыс. Кӧйдыс лӧсьӧдӧм йывсьыд эськӧ ёна нин сёрнитавлісны сиктъясын да, оз тӧдны, кыдзи лӧсьӧдны кӧйдыс запассӧ.

Выліджык учрежденньӧяссянь некутшӧм индӧдъяс та йылысь эз вӧвны.

Колӧ эськӧ регыдджык мыйкӧ та йылысь вӧчны.

С. В.

Редакциясянь: Кӧйдыс запас лӧсьӧдан уджӧ колӧ босьтчыны волисполкомъяслы. Кыдзи лӧсьӧдны кӧйдыс запас, ми ичӧтика гижлім газетын; видзӧд «Югыд Туй» тавося номер 210-ӧдӧс да «Коми Сикт» 15 да 16 №-яс. Обласьтувса Видз-му юкӧдлы ӧдйӧджык колӧ ыставны вӧлӧсьтъясӧ индӧдъяс кӧйдыс запас лӧсьӧдӧм йылысь, тшӧтш сы йылысь гижны миян газетын.