АГРОНОМЪЯСӦС МЕСТАЫСЬ МЕСТАӦ ВЕЖЛАВНЫ ОЗ КОВ

Абъячой вӧлӧсьтын эм участокса агроном Модянов. Воӧм бӧрас сійӧ уна нин удж вӧчис. Кык тулыс восьтыліс сельскокӧзяйственнӧй курсъяс, ӧти тӧв велӧдіс крестьяна том йӧз школаын. Ветлывлӧ участок кузяыс, вӧчавлӧ крестьяна пӧвстын собранньӧяс. Сійӧ тшӧктӧм кузя кӧнсюрӧ крестьяна косявлісны нин потшӧсъяссӧ, ӧти йӧрӧ сюйисны муяссӧ. Крестьяна шуасьӧны нин выль ногӧн заводитны му уджавны да му-видз лӧсьӧдӧм удж нуӧдны (землеустройство), сӧмын ыджыд рӧскодысь полӧны.

Крестьяна ӧні кывзӧны нин, эскӧны нин агрономлы. Сӧмын ӧні кывсьӧ, Модяновӧс пӧ ыстӧны Межадорӧ, мӧдӧн пӧ кӧсйӧны вежны. Крестьянаыс велаліны нин важ агроном дінас. Мед эськӧ оз торксьы став уджыс, колӧ кольны важ агрономӧс уджавны Абъячой вӧлӧсьтӧ. Агрономъясӧс тшӧкыда вежлавны оз ков.

Смолев.