ШОЙНАТЫЫН ВӦЛІ ОКТЯБРИНА

Шойнатыын (Кулӧмдін уездын) ноябр 15 лунӧ вӧлі октябрина. Гӧлиник дӧва Ширяева Степанида воис комсомолечьяс ордӧ да шуис: ме пӧ гӧгӧрвои нин попъяслысь пӧръясьӧмсӧ, ассьым кагаӧс пыртны вичкоӧ ог ну. Политпросвет вӧчис народнӧй домын октябрина. Йӧзыс вӧлі зала тыр. Кагаыслы пуктісны ним Ладимер, Ленин ёрт кузя. Кагасӧ сэки жӧ босьтісны пионерӧ. Пионеръяслӧн вожатӧй сетіс ичӧтик пионерлы пионерскӧй галстук, значок да дӧрӧм. Профсоюзсянь мамыслы сетісны кага эшкын дӧра.

Комсомолеч.