СОДТӦДӦН СТРАХУЙТӦЙ ОВМӦСНЫТӦ!

Ӧзйис медвойдӧр керка Вавиллӧн,
Сысянь шыбитчис Паком суседлы;
Кыдз тай босьтчис сэк дорвыв няръявны,
Сикттӧ шыльӧдны — страшнӧ видзӧдны.

Грудӧ Вавил страхуйтчыны
Содтӧдӧн эз кӧсйы:
«Немтор водзвыв лӧсьӧдчыны,
Керка пӧ оз ӧзйы».
Причча суис — овмӧс сотчис,
Некытчӧ и пырны...
Выльысь керка вӧчны босьтчис — 
Дай сьӧмыд оз тырмы.
Обязательнӧй страховка
Тырмымӧн оз сетны.
— Мый нӧ керны? Дерт нин, ковмас
Йӧзӧ овны петны.

Паком дядьлӧн мӧд нин сямыс:
Быд удж мунӧ водзын;
Сылӧн овмӧс гӧгӧр ставыс
Арталӧма водзвыв.
Сотчӧм бӧрын стрӧитчӧмысь
Сьӧлӧмсӧ эз косьты — 
Содтӧдӧннад страхуйтчӧмысь
Шайт сизимсё босьтіс.
Бур выль керка важся местас
Паком дядьӧ лэптіс;
Тьӧскӧн вевттис, регыд эштас,
Тӧвнас овны петас.