ЯПОНИЯСА МЕТАЛЛИСТЪЯСЛӦН ДЕЛЕГАЦИЯ

Мед мувыв эмбуртӧмъяс регыд ӧтувтчасны!

Мӧскуа. Мӧскуаӧ воӧма японияса металлистъяслӧн делегация. Мӧскуаӧ воӧм бӧрын делегация веськыда мунісны Ставсоюзса металлистъяс съезд вылӧ. Японияса гӧсьтъяс воигӧн съездвывса делегатъяс заводитісны сьывны Интернационал. Рабочӧй Коваси японияса делегациясянь висьталіс: «Ставсоюзса профсоюзъяслӧн делегация Японияӧ волігӧн эз вермы лючки Японияса уджалысьяскӧд сёрнитны, ми ёна сы вӧсна шогсям. Сэн мыжаыс — японияса пӧлича. Революциялӧн шыыс кылӧ нин японияса рабочӧйяс пытшкын. Японияса уджалысь йӧз дугдӧны нин озыръяслысь кывзыны. Японияса металлистъяс корӧны тіянӧс лӧсьӧдны японияса да Сӧвет республикаса уджалысь йӧз костын крепыд йитӧд. Мед мувыв эмбуртӧмъяс регыд ӧтувтчасны!»