ПОШТА КУД
Нёбдін. Синма-пеля мортлы. Синма-пеля тай эськӧ тэ, бур мортӧй, да ним-овтӧ вунӧдӧмыд пасйыны.
Кӧрткерӧс. Бим-Бомлы. Коми чиган йывсьыд оз мун. Ылӧдлӧ кӧ сійӧ, оз ков сыкӧд вӧдитчыны. Волисполком пырыд нӧ кыдзи верман сійӧс дугӧдныс.
Айкатыла. Сыспи Ваньлы. Электричество нуӧдӧм йывсьыд оз мун. Колан выльторсӧ нинӧм он висьтав.
Кӧдзвывса.
Кӧрткерӧс. Макаркалы. Кооператив правленньӧад бӧрйысьӧм йывсьыд нинӧм гижӧмсьыс.
Межадор. Мальцевлы. Пасибӧтӧ асьныд нин газеттӧг висьталӧй.
Койгорт. Велӧдчысьлы. Он гиж, кутшӧм тіян велӧдчаніныс, позьӧ оз регыдсӧ лӧсьӧдны бур велӧдчанін. Сэсся гижсян он аслад нимнад.
Волся. Синлы. Праздник колльӧдӧм йывсьыд оз мун. Коланторйыс нинӧм абу гижӧдас, дай ставсӧ кулитан асьтӧ кындзи. Гижны кӧ кутан газетӧ — лоан селькорын.
Сыктывдінкар. Чикышлы. Ним-овтӧ колӧ тӧдчанаджык гижны, мед эськӧ редакцияыс тӧдӧ вӧлі гижысь мортсӧ. Тэ кырымасьӧмыд, да лыддьыныс он вермы.
И. Сажиналы. Быдӧн тӧдӧны, кутшӧм вӧлі сьӧкыд овны войдӧр бабаяслы. Тэнад гижӧдын нинӧм выльторйыс абу. Колӧ гижны, кыдзи ӧні олӧны, оз-ӧ дзескӧдны, увтыртны бабаяссӧ. Сэсся гижны колӧ торъя вӧвлӧмторъяс, а оз став йывсьыс ӧтпыртӧ.
Кӧрткерӧс. Эп пӧлы. Фрунзе ёрттӧ дзебӧм йывсьыд сёрмис, дай тӧдчанаыс нинӧм абу.
Висерса Реслы, Аныбса комиссиялы да Кӧрткерӧсса Эп пӧлы. Октябрса праздник лун колльӧдӧм йывсьыд оз мун — сёрмис нин.
Ыджыдвидз. Сувтса бугыльлы. Селькорӧн вермас лоны быд морт, коді гижӧ газетӧ. Комсомолечьяслы медъёна нин колӧ лоны селькоръясӧн. Мӧдысь кӧ тэ вылӧ кутас воны газетад гижӧмсьыд Спасскаяыд, юӧрт миянӧс. Письмӧтӧ ыстім контрольнӧй комиссияӧ.
Визин. Круклы. Ичӧтиктор йылысь гижан да, оз мун. Сійӧ сэні позьӧ лӧсьӧдны.
Вылыс От. Крестьянин пилы. Абу гижӧмыд, приказчикыслы мужикыс унджык дон босьтӧмсӧ висьтавлӧма абу. Колӧкӧ приказчикыслӧн тӧдтӧг ӧшыбка лои.
Кебра. Некрасовалы. Нинӧм эг гӧгӧрвоӧ, гиж лючки, мед вермам жӧ лыддьыныд.
Кулӧмдін. Дедовлы. Гижӧдъясыд эз волыны. Стенгазеттӧ регистрируйтны оз ков, партъячейка индалӧ туйтӧ.
Айкатыла. Лютоевлы. «Комсомоллы колӧ том йӧзкӧд воча мунны» оз мун, колӧ вӧлі гижны, кыдзиджык уджсӧ пуктыны. Позис висьтавны кӧть войпукысь.
Ыб. Видзӧдысьлы. Письмӧ мӧдӧдім страхуйтан кассаӧ.
Сыктывдінкар. Пионер Меньшиковлы. Стенгазетӧ мӧдӧд.
Нёбдін. Вик. Ӧшыбкасьыд некодлы омӧльыс абу.
Нёбдін. Латкиналы. Гижӧдтӧ мӧдӧдім Обласьтувса удж юкӧдӧ.
Ыб. Потребительскӧй обществоса правленньӧлы. Вочасӧ Кабанлы прамӧя нинӧм онӧ гижӧй. Газетын оз мун.
Сыктывдінкар. Подоровлы. «Во гӧгӧр турунаӧсь» гижӧдыд оз мун. Тӧдчанаторйыс нинӧм абу.
Ужга. Жабинлы. Прокурор отсасьысь волӧм йывсьыд оз мун, тӧдчанаторйыс нинӧм абу да. Обласьтыд мый вермӧ ыстӧ вӧлӧсьтъясад уджалысьястӧ. Собранньӧ йывсьыд оз жӧ мун. Гиж, кыдзи кутасны нуӧдны олӧмас сійӧ шуӧмсӧ.
Нившера. Видзӧдысьлы. Юӧм йывсьыд гижӧдыд ёна сёрмис да, оз мун.
Нэмдін. Нэмлы. Вичко старӧста йывсьыд оз мун.
Чуклӧм. И-К-ТС. Митюшов йывсьыд оз мун, овтӧ гӧгӧрвотӧма гижӧмыд да.
Нёбдін. Тачлы. Пельшӧр йывсьыд вӧлі нин, оз мун. Тшӧтӧвод йывсьыд да приказчик йывсьыд колӧ гижны тӧдмалӧм мысти. Телефон йывсьыд ыстім обласьтувса пошта да телеграф отделенньӧӧ.
Визин. Ванька Окоповлы. Школа йывсьыд оз мун, тӧдчанаторйыс нинӧм абу да. Сэсся лыдпассӧ некытчӧ абу пукталӧмыд.
Паль. Пальсалы. Гижӧдъясыд оз мунны. Йӧзыслы коланторйыс нинӧм абу.
Ыб. Видзӧдысьлы. Страхуйтан касса миянӧс юӧртіс — Кочевлы пенсия абу сетӧмаӧсь заявленньӧ сетан срок кольӧм вӧсна.
Кӧрткерӧс. Эп пӧ. «1917 октябр 1925» сетім коми нига лэдзанінӧ.
Нэмдін. Нэмлы. Мый нӧ видзӧдӧны шленъяс, омӧля кӧ вузасьӧ приказчик, колӧ вежны, сэк вермас ёна кевмыны.
Ужъя. Избачлы. Гижӧдыд оз мун, суд аддзас, коді мыжа.
От. Анькытшлы. Омӧльтны морттӧ йӧз сёрни серти оз позь. Свӧякъяс кӧ сюрӧмаӧсь исполкомад, нинӧм; уджалӧны кӧ — мед оласны.
