КӦРТКЕРӦССА КООПЕРАТИВЛӦН УДЖ

Неважӧн Кӧрткерӧсын бӧрйисны кооперативса правленньӧӧ шленъясӧс. Бӧрйысян собранньӧ вылын важ правленньӧыс висьталіс доклад аслас вогӧгӧрся удж йылысь. Став шленыс кооперативын 225 морт. Тӧварсӧ ваявлӧмаӧсь сӧмын Обсоюзысь. Вӧчӧмаӧсь кирпич завод. Сы вылӧ мунӧма 1500 шайт. Кирпич заводас ӧні эм 50 сюрс вузӧс кирпич.

Став барышыс во гӧгӧрӧн воӧма 1187 шайт 89 ур.

Удж йылысь кывзӧм бӧрын собранньӧ шуис лыддьыны правленньӧлысь уджсӧ шӧркоддьӧмӧн.

Барышсӧ юкны шуисны со кыдзи: основнӧй капиталӧ пуктыны 40 прӧчент — 475 шайт; паевӧй взносъяс вылӧ 7 шайт да 70 ур; шленъяслы сетны ньӧбасьӧмысь книжкаяс вылӧ 559 шайт да 67 ур, йӧзӧс югдӧдан удж вылӧ 50 шайт; кооперативса овмӧс лӧсьӧдӧм вылӧ 71 шайт да 37 ур.

Правленньӧас бӧрйисны выль мортсӧ сӧмын юралысьсӧ. Приказчикыс да тшӧт нуӧдысьыс колины важъясыс.

Эп пӧ.