КРЕСТЬЯНИН КЕРКАЫН УДЖЫС ЛОВЗЬӦ

Кулӧмдінын важӧн нин вӧлі лӧсьӧдӧма крестьянин керка. Сӧмын ӧнӧдз эгӧ на тӧдлӧй, эм али абу сійӧ. Тыдалӧ вӧлі ӧти вывескаыс керка бокас. Он вӧлі тӧд — коркӧ воссьывлӧ али оз. Кӧть тэ кор мун, пыр вӧлі тупкӧса. Сӧмын корсюрӧ, шочиника библиотекасьыс ӧткымынлы сетавлӧны вӧлі нига.

Ӧні сэтчӧ локтіс выль удж нуӧдысь — Попов ёрт. Сійӧ локтӧмсяньыс жӧ кутчысис удж бердӧ. Тӧдчыны кутіс пырысьтӧм-пыр сылӧн уджыс. Кутіс вӧчавлыны собранньӧяс, лекцияяс, мукӧдтор. Лӧсьӧдаліс пытшкӧссӧ. Пыран кӧ, шуан нин — тайӧ йӧзӧс югдӧдан керка. Эмӧсь уна сикас диаграммаяс, портретъяс, картаяс. Неважӧн сэні вӧлі докторлӧн лекция лёквисьӧм йылысь. Вӧліны зэв уна крестьяна. Крестьяна зэв дӧвӧленӧсь, шуисны лекцияяс вӧчавлыны частӧджык. Сэки жӧ гижсисны бура унаӧн велӧдчан кружокӧ.

Ми чайтам, Попов ёрт зэв бурторйӧ заводитчӧмсӧ оз дугӧд, нуӧдас уджсӧ водзӧ ещӧ бура.

Л. Дедов.