КОЛӦ ЛӦСЬӦДНЫ ВЫЛЬ ОЛАННОГ

Мӧскуа. Ноябр 15 лунӧ Мӧскуаын воссис Мӧскуа губерняса судын дорйысьяслӧн, суддяяслӧн конференция. Революция дор закон йылысь вӧчис доклад Сольц ёрт: талун пӧ судын уджалысьяс именникъяс. Первой на найӧ чукӧртчӧны закон вын кутӧм йылысь сёрни нуны. Революция жугӧдіс важ правасӧ. Колӧ лӧсьӧдны выль права. Сӧвет власьт лӧсьӧдӧ на ассьыс олӧмсӧ, миянлы лоӧ ёна на мӧвпавны, ёна лоӧ уджавны — лӧсьӧдны выль оланногсӧ. Миян уна на уджыс водзын, уджалысь йӧзлы колӧ выль закон сетны, велӧдны найӧс выль права ног овны. Миянлы лоӧ нуны удж — мед эськӧ уджалысь йӧз тӧдӧны: Сӧвет власьт найӧ дор сулалӧ, найӧс дорйӧ. Ми кӧсъям вӧчны сідзи — мед эськӧ мыжсӧ эз вермыны вӧчны уджалысь йӧзыс. Сӧвет власьт дорйӧ уджалысь йӧзӧс, миянлы лоӧ петкӧдлыны деревняясын Сӧвет власьтлысь уджалысь йӧз понда тӧждысьӧмсӧ.