ЧЖАН ЦЗОЛИНЬӦС ТОПӦДНЫ КУТІСНЫ ДА, МИРИТЧӦ

Пекин. Китайса правительство ёна тӧждысьӧ вӧлі гражданскӧй война кусӧдӧм йылысь. Сійӧ мӧдӧдліс кось нуысь генералъяслы письмӧяс. Чжан Цзолиньлӧн ӧні войскаыс ёна чинӧма (уна отряд У Пэйфу дор сувтіс) да уналаын У Пэйфулӧн армияыс венӧма Чжан Цзолиньлысь войскасӧ. Чжан Цзолинь водзӧ нуны косьсӧ сэсся оз вермы да, мӧдӧдӧма Пекинскӧй правительстволы письмӧ миритчӧм йылысь — кӧсйысьӧ ассьыс войскасӧ петкӧдны Пекинса, Дамин Фу да Баотин Фу округъясысь. Мед пӧ сӧмын менӧ оз вӧрӧд генерал Фэн Юйсян. Кӧсйысьӧ ассьыс войскасӧ Чжан Цзолинь нуны Тяньцзиньӧ.