ПОШТА КУД
Ёль. Полканлы. Комсомолечьяс йывсьыд оз мун. Ячейкасьыс кӧ нӧ вӧтласны, мый сэсся колӧ. Бусов йывсьыд гижан колян вося вӧвлӧмтор да, оз жӧ мун.
Айкатыла. Лютоевлы. Вина йывсьыд оз мун, кытсюрӧ нелючки гижӧмыд да. Сы йылысь вӧлі нин «Коми Сикт» 29-ӧд номерын.
Нёбдін. Шыпачлы. Заработкаяс йывсьыд оз мун. Абу гижӧмыд, кутшӧм уджъяс сэки позяс сетны.
Кӧрткерӧс. Бим-Бомлы. Тӧргуйтӧм йывсьыд оз мун. Нинӧм тӧдчанаторйыс да коланторйыс абу. Гиж Сӧветад бӧрйысьӧм йывсьыд.
Айкатыла. Й. Й. Потребительскӧй общество удж йывсьыд зэв этша гижӧмыд да, оз мун.
Айкатыла. Тӧдысьлы. Айкатылаын му-видз юклӧм йылысь видзӧд «Коми Сикт» 29-ӧд номерысь, «Коми Сикт отсаліс» гижӧдысь. Приказчик йывсьыд оз жӧ мун. Содты сы йылысь ещӧ стенӧ ӧшӧдан газетад, колӧкӧ.
Межадор. Мальцевлы. Коми нига лэдзанінын эм уна коми пьесаясыд, позьӧ судзӧдны сэтысь сьӧм вылӧ. Доныс налӧн абу ыджыд, чукӧртчӧмӧн верманныд судзӧдны.
Кырув. Домна Васьлы. Вина йывсьыд оз мун.
Сыктывдінкар. Т. Подоровлы. Куратова йывсьыд оз мун, нинӧм абу гижӧмыд да.
Одыб. Коми мортлы. Тэ став вӧлӧсьт йывсьыд гижӧмыд да, лючки нинӧм абу артмӧма. Колӧ босьтны мыйкӧ ӧтитор да гӧгӧрбок лючкиджык гижны.
Визин. Кирита-Улиталы. Узьлӧм йывсьыд оз мун. Кодлы нӧ окота сы йылысь лыддьыныс, тэ кындзи.
Лыаты. Югыдлань писькӧдчысьлы. Велӧдчыныд да лыддьысьныд колӧ зільны чукӧртавлыны том йӧзтӧ быд вежонын. Уджыс кӧ кутас мунны, гиж — сэки печатайтам.
Пом. Сидоровлы. Приказчик йылысь оз мун, посниторъяс гижан.
Ыб. Мальцевлы. Ӧтчыд газетын вӧлі нин.
Гам. Лежнӧглы. Письмӧ мӧдӧдім пошта-телеграф контораӧ.
Серегов гӧра. Аддзысьлы. «Роботник босьтӧм йылысь» мӧдӧдім овмӧс нуӧдан юкӧдӧ.
Кӧрткерӧс. Спира Прокӧлы. «Коми аньлы» сетім коми литература лӧсьӧданінӧ.
Чуклӧм. Уджалысь мортлы. Сыктыв уездувса исполком Морозовӧс топӧдліс да водзӧ кежлӧ рӧдняяссӧ удж вылӧ эз тшӧкты босьтавны.
Серегов гӧра. Гудӧкасьысьлы. «Велӧдысь» газетын оз мун. Ставныдлы колӧ отсавны велӧдысьяслы удж нуӧдны — сэки и изба-читальняыд лоӧ бур да и спектактӧ регыд пуктанныд.
Чуклӧм. Тӧдысьлы. Гижӧдтӧ мӧдӧдім Сыктыв уездувса войтырӧс велӧдан юкӧдӧ.
Кулӧмдін. Чавканлы. Коді нӧ тэ, мыйла нӧ эн гиж ним-овтӧ.
