ЭНӦ ВУНӦДӦЙ НОЯБР 19-ӧд ЛУН!

Вежон мысти, ноябр 19-ӧд лунӧ, «Ставрочмувывса старӧсталы», М. И. КАЛИНИНЛЫ, ТЫРӦ 50 АРӦС. Калинин ёрт — ачыс крестьянин, Верхньӧй Троица нима деревняысь, Тверскӧй губ. Быд сиктын колӧ висьтавны сы йылысь 50 арӧс тыран лунас. Висьтавны, кыдзи сійӧ мырсис уджалысь йӧзӧс мездӧм вӧсна да ӧнія власьт дырйи бурсӧ вӧчӧм йылысь.

М. И. Калинин йылысь гижӧдъяс сюрасны быд деревняын — школаясысь, лыддьысян керкаясысь, библиотекаясысь.

Деревняса удж нуӧдысьяс, энӧ вунӧдӧй чукӧртлыны коми крестьянаӧс сійӧ лунӧ (четверг, ноябр 19-ӧд лунӧ) М. И. Калинин олӧм-уджалӧм йылысь сёрнитны накӧд!