КОЛӦ СЕТНЫ ТУЙ ВЕЛӦДЧЫНЫ

Обоно, мый тэ шуан?

Емдін уезд кузя ӧні эм куим гырысьджык школа: Емдінын, Сереговын да Слӧбӧдаын (Удораын). Став Удора пасьтаыс сэсся семилеткаыс абу. Слӧбӧдаса школаын вермасны велӧдчыны сӧмын Слӧбӧда вӧлӧсьтувса челядь. Мукӧд удораса 4−5 вӧлӧсьтъяссьыс челядьыс сійӧ семилеткаын велӧдчыны оз вермыны. Медся ёнасӧ нин сійӧ школаас оз вермыны веськавны Йӧртым, Важгорт да Ёвкӧдж вӧлӧсьтъясысь челядьыс. Сійӧ вӧлӧсьтъясыс Слӧбӧдасянь ылынӧсь, костныс 135 верстсянь 250 верстӧдз. Сійӧ вӧлӧсьтъяссьыс кӧ Слӧбӧдаса семилеткаын эмӧсь велӧдчысьяс, сӧмын служащӧйяслӧн да попъяслӧн челядь. Гӧлиник крестьяниныд ылын, бокиад ассьыс челядьтӧ велӧдныс некыдзи оз вермы.

Мед эськӧ пемыд удораса крестьянин, шуам, Лоптюгаысь, Коптюгаысь либӧ Мучкас сиктысь вермис ассьыс писӧ либӧ нывсӧ велӧдны Слӧбӧдаса школаын, колӧ сійӧ школа бердас лӧсьӧдны общежиттьӧ овны гӧлиник ылысса челядьлы да ещӧ сетны налы стипендия.

Обласьтувса Войтырӧс велӧдысь юкӧдлы колӧ прамӧйджыка видзӧдлыны та вылӧ да мыйкӧ вӧчны.

Вашкаса морт.