АЙКАТЫЛАСА ИНВАЛИДЪЯС ӦТУВТЧӦМЛӦН УДЖЫС

Айкатыласа «Рыков» нима инвалиднӧй ӧтувтчӧмлӧн выль правленньӧыс уджаліс март 25-ӧд лунсянь октябр 1-ӧд лунӧдз. Важ правленньӧсяньыс сылы кольлі 6 шайт сьӧм, 1117 шайт дон тӧвар, вексельяс серти уджйӧз 1483 шайт да 96 ур вылӧ да ещӧ вӧлі вӧчӧма растрата 452 шайт да 19 ур дон (сыысь сетӧма судӧ).

Вит тӧлысся уджӧн выль правленньӧ вермис мынтыны став важ вексельяс сертиыс уджйӧзсӧ. Барышсьыс сетісны шленъясыслы (инвалидъяслы) 232 шайт да ещӧ юнь тӧлысьын медгӧль да уджавны вермытӧм шленъяслы сетлісны 17 шайт.

Март 25-ӧд лун кежлӧ став шленыс вӧлі 16 морт. Ӧні шленыс 30 морт. Бӧръя кадас инвалидъяс ёна кутісны пырны ӧтувтчӧмас. Мукӧд инвалидъясыс петалӧны шленсьыс потребительскӧй обществоысь да пырӧны инвалидъяс ӧтувтчӧмӧ.

Ӧні чайтӧны лӧсьӧдны кучик вӧчан да гырнич вӧчан заводъяс. Сэтчӧ ковмас сюрс шайт кымын. Сӧмын сы кодя сьӧмыс ӧтувтчӧмыслӧн абу да, лоӧ кыськӧ корсьны удждыны.

Правленньӧса юралысь Исаков.