КЛИМЕНТИЙ ЕПРЕМОВИЧ ВОРОШИЛОВ

Ворошилов ёрт чужи Бахмутскӧй уездын, Екатеринославскӧй губерняын гӧль крестьянин семья пиын 1881 воын, январ 23 лунӧ. 1896 воын Ворошилов ёрт воис ДЮМО заводӧ, Алчевскӧй станция дорын, уджавны. Регыд сӧмын заводын лои уджавны Ворошилов ёртлы: революция дор уджалӧм вӧсна пӧлича унаысь сійӧс арестуйтліс, сэсся 1900 воын Ворошиловӧс заводысь вӧтлісны. 1904 воысь Ворошилов ёртӧс бӧрйисны шленӧн большевик партияса центральнӧй комитетӧ.

1912−1917 воясын Ворошилов ёрт, Лутовиновкӧд да Калининкӧд, уджаліс рабочӧйяс пиын; сы вӧсна унаысь тюрмаын сылы лои пукавны. Революция бӧрын (1918−1919 воясӧ) Ворошилов ёрт лӧсьӧдавліс рабочӧй отрядъяс немечьяслы да роч буржуйяслы паныд сувтны. Сэсся 1919 воын Ворошилов ёртӧс пуктӧны Харьков округувса войска вылын командирӧ, май тӧлысьын 1921 воын сійӧс мӧдӧдӧны Кавказӧ.

Колян тӧв Ворошиловӧс пуктісны Командирӧ Мӧскуа округувса войска вылын. Сэсся ӧні, Фрунзе ёрт кулӧм бӧрын, Союзса Исполнительнӧй Комитет шуис пуктыны Ворошиловӧс военнӧй да морскӧй удж нуӧдысь Комиссарӧ.