У ПЭЙФУ ЁНМӦ

Пекин. Газетын ми гижлім нин Китайын гражданскӧй война йылысь. Кык генерал, У Пэйфу да Чжан Цзолинь, сувтӧмаӧсь паныд. Чжан Цзолиньлӧн армияыс вочасӧн пыр чинӧ, уна отряд нин вуджӧма У Пэйфу дор. Ӧні Чжан Цзолинь медалӧма роч белогвардеечьясӧс отсавны сылы. Генерал Нечаев (ыджыдджык белӧйяс пытшкын) став отряднас (бригадаӧн) мунӧма кӧрт туй кузя Чжан Цзолиньлы отсавны да став бригаданас сюрӧма Сунь Чуаньфанлы (У Пэйфу дор сулалысь генерал) пленӧ.