РЫКОВ ЁРТЛӦН СИӦМЪЯС
Ме таво вылӧ висьтала сӧмын со кутшӧм сиӧмъяс (
Медым Октябр 9-ӧд во вылын лои нин вӧчӧма помӧдз Владимир Ильичлӧн медзбой надеяясыс гӧльлунӧс вермалӧм кузя.
Таво моз жӧ выль воын водзӧ кыпӧдны кӧзяйствонымӧс; ещӧ нин бурмӧдны рабочӧйлысь да крестьяналысь олӧмсӧ.
Рабочӧйяслысь крестьянакӧд ӧтувтчӧмсӧ ещӧ нин ёнмӧдны, медся ёнасӧ карлысь сикткӧд кӧзяйствояснас ӧтувтчӧмсӧ. Медым сиктса бӧрӧ кольӧм, гӧль крестьяналы Сӧвет власьтсянь ыджыдджык отсӧг вӧлі сетӧма, медым гӧль крестьянаыс ёнджыка организуйтчисны.
Кольӧм воӧ Сӧвет власьт да Коммунист партия заводитісны медъёна видзӧдны кооперация вылӧ. Медым локтан воӧ кооперация велаліс донтӧгджык да ӧдйӧнджык уджавны. Медым сійӧ лоӧ став йӧзыслӧн организацияӧн, код пыр кыптӧ овмӧсныс судзсьытӧмджыка олысь йӧзлӧн, коді чужтӧ социализм сямӧн видз-му уджалӧм.
Медым партия содӧ выльысь пырӧм рабочӧйясӧн, медым сэтчӧ пырасны медбур, медводзмӧстчысь войтырыс гӧль крестьяна пӧвстысь, батракъяс пӧвстысь. Партияса собранньӧяс вылын медым пыр вӧліны став шленыс, медым быд доклад серти сёрнитісны гӧгӧрбок. Ӧні ӧд партиялы став олӧмас лоӧ нуны зэв сьӧкыд удж.
Ӧні ми заводитім вӧчавны выль пабрикаяс, заводъяс. Миянлы тайӧ уджас оз ков вӧчны гырысь ӧшыбкаяс. Колӧ стрӧитны миянлы медъёна колан пабрикаяс да заводъяс, стрӧитны сэтшӧминъясӧ, кӧні найӧ медъёна колӧны да медуна выгӧдасӧ сетӧны.
Миянлы кад нин бырӧдны оланінъяс тырмытӧмсӧ, колӧ велӧдчыны вӧчны донтӧм да лӧсьыд оланінъяс.
Кӧзяйствоным миян кыптӧ ӧдйӧ. Оз ков кӧзяйство кыптӧмсьыс бӧрӧ кольны йӧзӧс югдӧдан удж лӧсьӧдӧм.
Колӧ бырӧдны удж нуӧданінъясысь бюрократизм. Колӧ вӧчны сідзи, медым сӧветскӧй учрежденньӧясын этшаджык вӧліны вензьӧмъяс, сёрнияс, помтӧм докладъяс. Йӧз собранньӧяс вывъясын колӧ бура, ёнджыка сёрнитны кӧзяйство лэптӧм йылысь, государственнӧй да партийнӧй уджъяс йылысь.
Учрежденньӧясӧ уджавны рабочӧйясӧс да крестьянаясӧс пукталӧм (
Колӧ ёртъяслы ёнджыка видзны ассьыныс дай мӧда-мӧдныслысь дзоньвидзалуннысӧ, медым найӧ эз кулавны тавося моз дзик весьшӧрӧ да нинӧм виччысьтӧг.
