ПОШТА КУД
МЕЖАДОР. АЧЫМЛЫ. Тэ, ёрт, вывті тэрмасян секретар удж йывсьыд шуӧмнад. Сійӧ сӧмын на кутчысис уджас да ӧд, дерт на, кӧнкӧ первойтӧ оз артмы. Сэтысь оз на позь шуны, мый сійӧ некор оз велавлы уджавныс. Ачыд жӧ гижан, сійӧ пӧ велӧдчӧм морт.
ПЕРЫМ. В. К. Коми рыт йывсьыд оз мун.
ПОМӦСДІН. КУИМ ДРУГЛЫ. Йӧктӧм дорсьыд бурджык эськӧ вӧлі, ёртъяс, вӧлӧсьтувса удж йывсьыд кӧ гижид.
ЙӦРӦСДІН. ЛЕЖНӦГЛЫ. Му лӧсьӧдӧм йывсьыд гӧгӧрвотӧма гижан. Он вермы гӧгӧрвоны, список сертиыс лыддьыссьӧ унджык али этшаджык.
ВӦЛЬДІН УЛЯШЕВЛЫ. Октябрса революциялы 8-ӧд во тыран лунтӧ празднуйтӧм йылысь сёрмис.
ПОЗТЫ № 50. Баяр сиктад велӧдчӧм йывсьыд гиж стенӧ ӧшӧдан газетад. Праздник йывсьыд сёрмис.
МАКАР КЕРӦС СУС КОЛЬЛЫ. Герб йывсьыд оз мун. Висьтав исполкомад, мед босьтасны.
ВЫЛЬГОРТ. КЫВЗЫСЬЛЫ. Колі пасйыны, коді мӧс выйсӧ сетӧма да кодлы. Сьӧдад оз ков шуны.
ЛОЙМА МАКСЬӦ САВӦ ПИЛЫ. Стихотворенньӧыд оз мун. Войдӧр колӧ коми кывсӧ бура велӧдны да бура гижны велӧдчыны коминас.
КУЖ. ПИОНЕРЛЫ. Гижӧдтӧ ыстім Обласьтувса войтырӧс велӧдан юкӧдӧ.
ЧАС. ПОТОЛИЦЫНЛЫ. Пионеръяс йывсьыд оз мун. Тӧдчанаторъяс нинӧм абу.
КОСЛАН. ГӦЛЬ МОРТЛЫ. Пельшӧр йывсьыд оз мун. Асьныд нин тӧдмалӧй, мыйла сійӧ озырмис.
ГРИВА. ПУДА ПИЛЫ. Газеттӧ вурлӧм йылысь сэні позьӧ лӧсьӧдны. «Тадзи оз ков» гижӧдад тӧдчанаторйыс нинӧм абу.
КЕБРА. МЕЧЛЫ. Гиж, кыдзи уджалӧны волисполкомад удж нуӧдысьясыд. Быд гӧститӧм йылысь нӧ кысь газетӧ гижан.
ВИСЕР ВИЧКОДОР. РЕСЛЫ. «Висерын» гижӧдыд оз мун. Тӧдчанаторйыс нинӧм абу.
УЖЪЯ. РАБОЧӦЙЛЫ. Делянкатӧ ӧд сійӧ ачыс оз вӧч, кутшӧм эм, сэтчӧ и лоӧ ыстыны. Кутшӧм пӧденщинаысь мынтысьны, тэ он гиж да.
ВИЗЯБӦЖ. КЫВЛЫСЬЛЫ. Йӧз сёрни кузя гижны оз позь, гашкӧ, председательыс уджалӧ да.
ЧУШКАНЛЫ. Газетад кӧсъян кӧ гижны, колӧ лючки гижны адрестӧ, сэсся Кӧджмудорыс нӧ кӧн, кысь нӧ редакцияыс тӧдас?
КӦРТКЕРӦС. ЭП ПӦЛЫ. «Мый сетӧ и босьтӧ госстрах 1925−26 воын» оз мун. Коми обласьтын нормаясыс абу ӧткодь мукӧд губерняяскӧд.
КУЖ. ПИОНЕРЛЫ. Письмӧтӧ мӧдӧдім войтырӧс велӧдан юкӧдӧ.
КЕБРА МЕЧЛЫ. Гришка Вань ордын кӧ служакъясыд пукалісны, мый сы понда — мед колӧкӧ гажӧдчисны — сэсь омӧльыс абу на.
ВИСЕР. ТӦЖДЫСЬЫСЬЛЫ. Гижӧд мӧдӧдім Кулӧмдінса Укоммолӧ.
СЫКТЫВДІН КАР. СЕРНӦЙ КИСЛОТАЛЫ. Вичкоӧ пыралӧмыд суседӧс дзебигад абу на ыджыд мыж.
ЧАССА ӦЛЬЛЫ. Комсомол ячейка йылысь газетад оз мун — тӧдчанторйыс нинӧм абу.
ЧАС. ЕРМОЛИНЛЫ. Тӧдлытӧмтор йылысь гижан да, оз мун.
ГРИВА. ЛУД ПИЛЫ. Пельшерича йывсьыд оз мун. Тӧдчанторйыс нинӧм абу. Лекарствоыс кӧ восӧ оз тырмы, мед корас Обласьтувса Дзоньвидзалун кутан юкӧдлысь.
ПРОНЬДОР. РАЗМЫСЛОВЛЫ. Гижны кӧ газетӧ кутан, сэки гонорар вылад вермам ыстыны газеттӧ.
КЕРӦС. ТШӦТШ ВӦЛЫСЬЛЫ. Октябрса праздник йывсьыд сёрмис.
СЫКТЫВДІНКАР. ВИТТОР НАТАЛЬЛЫ. Кооперативъясад бӧрйысьӧм йывсьыд да съезд йывсьыд оз мунны.
ПАДЖГА. ВАВИЛИНЛЫ. Гӧститӧм йывсьыд ёна нин сёрмис.
НОШУЛЬ. ИВӦ ПИЛЫ. Ёна жӧ тэ, ёрт, тӧждысян вичко йывсьыд. Ми ногӧн кӧ — мед сэні асьныс нин лӧсьӧдчасны кыдзкӧ, газет отсавтӧг.
