ПОШТА КУД

Туръяыб. Потребительскӧй обществоын юралысьлы. Колі найӧс юӧртны уджйӧзсӧ мынтӧм йылысь. Юӧртӧм бӧрас кӧ эз мынтыны — сетӧй судӧ.

Ужъя. Мамайл пилы. Кирил Маръя йывсьыд огӧ лэдзӧй. Мый эськӧ пемыд бабаыд оз сӧр да. Висьтавны колӧ сылы кывйӧн бурлунсӧ велӧдчӧмсьыс.

Ужъя. Жабинлы. Ликпункт йывсьыд оз мун. Тэ мыждан Флоренскаяӧс, а мӧд гижӧд воис да, гижӧны, йӧзыс пӧ оз волывлыны.

Ужъя. Шкомалы. Оз кӧ волыны школаад велӧдчыныд, колӧ исполком пыр тшӧктыны.

Ужъя. Коми пилы. Избач йывсьыд гӧгӧрвотӧма гижан.

Педтехникум. Обрезковлы. «Колӧ школа» мӧдӧдім Емдін уездувса войтырӧс велӧдан юкӧдӧ.

Кебра. М-мечлы. Гижӧд мӧдӧдім обласьтувса прокурорлы.

Паль. Велӧдчысьлы. Сӧвет власьт ёна тӧждысьӧ крестьяна велӧдан понда, сӧмын деньгаыс быдлаӧ оз судзсьы.

Кӧрткерӧс. Бим-бомлы. Дона ёртӧй, шогмытӧм гижӧдъясыд быдӧнлӧн эм, сы вӧсна оз на ков лӧгасьны. Велалан гижныд да, став гижӧдъястӧ газетын лэдзны кутам. «Кӧрткерӧсын» оз жӧ мун, колӧ мӧвпыштны, мый йылысь кӧсъян гижныд да.

Сыктывкар. Гижӧдтӧ мӧдӧдім войтырӧс велӧдан юкӧдӧ.

Ыджыдвидз. Сувтса бугыльлы. «Оз ков тадзи» мӧдӧдім ОКК-ӧ.

Кӧрткерӧс. Кияса крестьяналы. Посниторъяс йылысь гижӧмыд, газетын оз мун.

Ужъя. Син да пельлы. Гижигад колӧ мӧвпыштны, мый йылысь кӧсъян гижны. Нинӧм эг гӧгӧрвоӧ.

Ыб. Коля Муравьёвлы. Стихтӧ гижны колӧ ёна велӧдчыны, лыддьы ёнджыка Савинлысь сьылан-лыддянъяссӧ — сэк регыд велалан.

Кияса крестьяналы. Кӧрткерӧсын собранньӧ йылысь колі гижны сёрни кывйӧн. Стихӧн гижны колӧ ёна велӧдчыны.

Нёбдін, Тачлы да Гам, Лежнӧглы. Пошта-телеграф контора юӧртіс — Гамын да Нёбдінын омӧль телефон аппаратъяс пыр вежасны, кор воасны Вӧлӧгдаысь выль аппаратъяс. Гам вӧлӧсьтӧ пошта новлӧдӧ нарошнӧ сы вылӧ пуктӧм морт.